चालू वर्षाच्या पहिल्या सहामाहीत (जानेवारी-जून २०२५) भारतातून ३.६५ लाख टन एरंडेल तेलाची निर्यात झाली आहे. सॉल्व्हेंट एक्स्ट्रॅक्टर्स असोसिएशन ऑफ इंडिया (SEA) च्या आकडेवारीनुसार, ही निर्यात मागील वर्षीच्या याच कालावधीच्या तुलनेत कमी आहे. या वर्षी मार्च वगळता प्रत्येक महिन्यात निर्यातीत घट दिसून आली. मात्र, असे असले तरी वार्षिक निर्यातीचा कल वाढताच आहे. २०२४ मध्ये देशातून एकूण ६.४९ लाख टन एरंडेल तेलाची निर्यात झाली होती, जी त्या आधीच्या वर्षांपेक्षा जास्त होती. यावरून दिसून येते की, अल्पकालीन घसरण वगळता, जागतिक बाजारपेठेत भारतीय एरंडेल तेलाची मागणी वाढत आहे.
Tag: कमोडिटी मार्केट
-
कॅनडातून मसूरची विक्रमी निर्यात
चांगले उत्पादन आणि जागतिक बाजारपेठेतील मजबूत मागणीमुळे कॅनडातून मसूरची निर्यात वाढणार आहे. चालू २०२४-२५ हंगामात निर्यात २० लाख टनांपर्यंत पोहोचण्याचा अंदाज असून, पुढील २०२५-२६ च्या हंगामात ती २१ लाख टनांपर्यंत वाढण्याची शक्यता आहे. भारत, संयुक्त अरब अमिराती (UAE) आणि तुर्की हे कॅनडाच्या मसूरचे प्रमुख खरेदीदार आहेत. चांगले उत्पादन आणि शिल्लक साठ्यामुळे मसूरच्या किमतींवर दबाव आहे. सध्या सरासरी किंमत ८०५ डॉलर प्रति टन असून, ती गेल्या वर्षीपेक्षा कमी आहे. आगामी काळात पुरवठा आणखी वाढणार असल्याने किमती अजून घसरण्याचा अंदाज तज्ज्ञांनी वर्तवला आहे.