चालू खरीप हंगामात राष्ट्रीय स्तरावर भरड धान्यांच्या श्रेणीत ज्वारी, बाजरी, नाचणी आणि इतर लहान भरड धान्यांच्या पेरणी क्षेत्रात किंचित घट झाली असली तरी, मक्याच्या क्षेत्रात सुमारे १० लाख हेक्टरची मोठी वाढ झाली आहे. भरड धान्यांचे एकूण लागवड क्षेत्रही गेल्या वर्षीच्या १६५ लाख हेक्टरवरून ८ लाख हेक्टरने वाढून १७३ लाख हेक्टरवर पोहोचले आहे. ज्यामध्ये ज्वारीचे लागवड क्षेत्र १३.२० लाख हेक्टर, बाजरी ६१.६० लाख हेक्टर आणि नाचणीचे क्षेत्र २.८० लाख हेक्टरपर्यंत पोहोचले आहे. इतर भरड धान्यांचे क्षेत्रही ३.७० लाख हेक्टरवरून ३.४० लाख हेक्टरवर पोहोचले आहे. इथेनॉल निर्मिती, स्टार्च आणि पोल्ट्री उद्योगात मागणी वाढल्याने मक्याच्या पेरणी क्षेत्रात वेगाने वाढ झालेली पाहावयास मिळत आहे.
Tag: खरीप हंगाम
-
खरिप मूग लागवडीत वाढ
मान्सूनचे वेळेवर आगमन आणि किमान आधारभूत किमतीत (MSP) झालेल्या वाढीमुळे देशात खरीप मुगाच्या लागवडीला प्रोत्साहन मिळाले आहे. २१ जुलैपर्यंत मुगाची पेरणी ११% वाढून २७.३१ लाख हेक्टरवर पोहोचली आहे. राजस्थानमध्ये सर्वाधिक १६% वाढ झाली आहे. सरकारने २०२५-२६ हंगामासाठी मुगाची एमएसपी वाढवून ८,७६८ रुपये प्रति क्विंटल केली आहे. राजस्थान, महाराष्ट्र आणि कर्नाटक या प्रमुख उत्पादक राज्यांमध्ये झालेल्या अतिवृष्टीमुळे पिकाच्या नुकसानीची चिंता निर्माण झाली आहे. हवामान अनुकूल राहिल्यास उत्पादनात वाढ अपेक्षित असून मुगाचे दर स्थिर राहण्याची शक्यता वर्तवली आहे.