देशातील उसाची उत्पादकता आणि शेतकऱ्यांचे उत्पन्न वाढवण्यासाठी इंडियन शुगर अँड बायो-एनर्जी मॅन्युफॅक्चरर्स असोसिएशनने (इस्मा) कृत्रिम बुद्धिमत्तेवर (AI) आधारित देशव्यापी कार्यक्रमाची घोषणा केली आहे. यासाठी ‘इस्मा’ने बारामती येथील प्रसिद्ध ‘ऍग्रिकल्चरल डेव्हलपमेंट ट्रस्ट’ (ADT) आणि पुण्यातील ‘मॅप माय क्रॉप’ या कृषी-तंत्रज्ञान कंपनीसोबत सामंजस्य करार केला आहे. या उपक्रमाचा मुख्य उद्देश उसाची सरासरी उत्पादकता प्रति हेक्टरी १०० टनांच्या पुढे नेणे आणि साखरेचा उतारा ११ टक्क्यांपेक्षा जास्त मिळवणे हा आहे. ‘एडीटी’ने यापूर्वी ऑक्सफर्ड युनिव्हर्सिटी आणि मायक्रोसॉफ्टसोबत राबवलेल्या अशाच एका प्रकल्पात पिकाच्या उत्पादनात ४०% वाढ आणि पाण्याच्या वापरात ३०% बचत झाल्याचे दिसून आले होते.
Tag: साखर कारखाने
-
साखर उत्पादन
‘नॅशनल फेडरेशन ऑफ को-ऑपरेटिव्ह शुगर फॅक्टरीज’ने जाहीर केलेल्या आकडेवारीनुसार, चालू विपणन हंगामात (१ ऑक्टोबर २०२४ ते ३१ जुलै २०२५) देशातील एकूण साखरेचे उत्पादन घटून २५८.२० लाख टनांवर आले आहे. हे उत्पादन २०२३-२४ हंगामातील याच कालावधीतील ३१६.३५ लाख टन उत्पादनापेक्षा ५८.१५ लाख टन म्हणजेच १८.३८ टक्क्यांनी कमी आहे. ज्यामध्ये उत्तर प्रदेशात ९२.७५ लाख टन, महाराष्ट्रात ८०.९५ लाख टन, कर्नाटकात ४२ लाख टन, गुजरातमध्ये ८.९० लाख टन, आंध्र प्रदेश ९० हजार टन, बिहार ६.२० लाख टन, हरियाणा आणि मध्य प्रदेशमध्ये प्रत्येकी ५.१० लाख टन, पंजाबमध्ये ५.६५ लाख टन, तामिळनाडूमध्ये ७ लाख टन, तेलंगणामध्ये १.७० लाख टन, उत्तराखंडमध्ये ३.७० लाख टन आणि देशातील इतर राज्यांमध्ये १.१० लाख टन साखर उत्पादन झाले.